Almaniyada qaçqın axını ilə bağlı kütləvi etirazlar başlayıb
Bakı, 11 aprel, AZƏRTAC
Almaniyada mühacir və qaçqın axını ilə bağlı kütləvi etiraz aksiyaları baş qaldırıb.
AZƏRTAC “Le Figaro” qəzetinə istinadla xəbər verir ki, almanları böyük qaçqın axını səbəbindən yarana biləcək təhlükəsizlik məsələləri və ev çatışmazlığı narahat edir. Burada təkcə ukraynalı qaçqınlardan deyil, eyni zamanda suriyalı və əfqanıstanlı mühacirlərdən söhbət gedir.
Yanvar ayında “Welt am Sonntag” qəzeti Avropa Komissiyasının “Miqrasiya və qaçqınlarla bağlı vəziyyət barədə hesabat” adlı məxfi sənədlərinə istinadla Almaniyada sığınacaq almağa çalışan insanların sayının ötən illə müqayisədə 30 faiz artaraq 226 min 467 nəfərə çatdığı barədə məlumat yaymışdı. Bunun 2016-cı ildən bəri ən böyük miqrant axını olduğu bildirilir.
Bölmənin digər xəbərləri
