SİYASƏT
Almaniyada və Ukraynada “İlhamla irəli” adlı idman tədbirləri keçiriləcəkdir
Berlin, 4 sentyabr (AZƏRTAC). Almaniyanın Maqdeburq səhərində Azərbaycan xalqının ümummilli lideri Heydər Əliyevin adını daşıyan Dünya Boks Komitəsi idmanın inkişafı, diaspor quruculuğu, eləcə də əlamətdar hadisələrlə əlaqədar silsilə tədbirlər həyata keçirir.
Komitənin və Zaxsen-Anhalt əyaləti üzrə Alman-Azərbaycan Mədəniyyət Cəmiyyətinin təşkilatçılığı ilə sentyabrın 7-də Almaniyanın Eisleben səhərində daha bir tədbir - boks yarışları təşkil olunacaqdır. Məqsəd oktyabrın 9-da keçiriləcək prezident seçkilərində dövlətimizin başçısı İlham Əliyevi dəstəkləmək, birlik və həmrəylik nümayiş etdirməkdir.
Boks çempionatında ağır çəkili idmançılar mübarizə aparacaqlar. Rusiya, Polşa, Belçika və daha 6 ölkənin idmançısının yarışacağı turnirdə Azərbaycanı Elçin Əhmədov təmsil edəcəkdir.
Komitənin və cəmiyyətin təşkilatçılığı ilə daha iki idman yarışması təşkil olunacaqdır. “İlhamla irəli” adlanan yarışların birincisi sentyabrın 21-də Ukraynanın Xarkov, ikincisi isə oktyabrın 4-də Almaniyanın Maqdeburq səhərlərində keçiriləcəkdir.
Vüqar Seyidov
Berlin