AMEA-nın “Xəbərlər” jurnalının növbəti nömrəsi ingilis dilində çapdan çıxıb
Bakı, 6 mart, AZƏRTAC
Azərbaycan Milli Elmlər Akademiyasının (AMEA) “Xəbərlər (biologiya və tibb elmləri)” jurnalının 72-ci cildinin üçüncü nömrəsi ingilis dilində çapdan çıxıb.
AMEA-dan AZƏRTAC-a bildiriblər ki, jurnalın xarici dildə nəşr edilməsində məqsəd ölkəmizdə görülən elmi-tədqiqat işlərinin nəticələrini daha geniş oxucu kütləsinə çatdırmaqdır.
Jurnalın ilk məqaləsi nəşrin baş redaktoru, AMEA-nın Biologiya və Tibb Elmləri Bölməsinin (BTEB) akademik-katibi, akademik Əhliman Əmiraslanovun 70 illik yubileyinə, həyat və fəaliyyətinə, elmi nailiyyətlərinə həsr olunub.
Jurnalda BTEB-in institutlarında və respublikanın müxtəlif ali təhsil, elmi-tədqiqat müəssisələrində biologiya və tibb elmləri sahəsində aparılan araşdırmaların nəticələrini özündə əks etdirən 22 məqalə yer alıb. Eyni zamanda, Türkiyənin Ankara Medikal Park Hospitalının əməkdaşları - H.Cəbrayılov və C.Karayanın həmmüəllifi olduğu məqalə də bu nömrəyə daxil edilib.
Bölmənin digər xəbərləri
