Anım Gününə həsr olunan inşa müsabiqəsinin qalibləri müəyyənləşib
Bakı, 27 sentyabr, AZƏRTAC
Azərbaycan Dövlət İqtisad Universitetinin (UNEC) Ümumi Fənlərin Tədrisinin Təşkili Departamentinin (ÜFTTD) Tələbə Elmi Cəmiyyəti tərəfindən Anım Gününə həsr olunan inşa müsabiqəsi keçirilib.
UNEC-dən AZƏRTAC-a bildirilib ki, bütün fakültələrin təmsil olunduğu müsabiqədə 25 tələbə iştirak edib. “Şəhidlər ölməz, Vətən bölünməz” mövzusunda müsabiqəyə təqdim olunan inşalar komissiya tərəfindən dəyərləndirdikdən sonra qaliblər müəyyən edilib.
Münsiflər heyətinin qərarı ilə inşa müsabiqəsi üzrə I yerə Biznes və menecment fakültəsinin 908-ci qrup tələbəsi Vüsal Kazımov, II yerə Biznes və menecment fakültəsinin 516-cı qrup tələbəsi Nübar Ağayeva, III yerə isə İqtisadiyyat və idarəetmə fakültəsinin 203-cü qrup tələbəsi Nuray Mirzəyeva layiq görülüb.
Sonda müsabiqə iştirakçılarına sertifikatlar təqdim olunub.
Bölmənin digər xəbərləri
