Ankarada “Epidemiyadan sonra beynəlxalq sistem” mövzusunda konfrans keçirilib
Ankara, 30 iyun, AZƏRTAC
Azərbaycanın Türkiyədəki səfirliyinin və Ankarada fəaliyyət göstərən Strateji Düşüncə İnstitutunun (SDİ) birgə təşkilatçılığı ilə “Epidemiyadan sonra beynəlxalq sistem” mövzusunda konfrans təşkil olunub.
AZƏRTAC xəbər verir ki, konfransın rəsmi hissəsində Türkiyə Böyük Millət Məclisinin sədri Mustafa Şentop, Azərbaycanın Ankaradakı səfiri Xəzər İbrahim və SDİ-nin sədri Muhammet Savaş Kafkasyalı çıxış ediblər.
Sonra konfrans işini eyni mövzuda panel iclası ilə davam etdirib. Əvvəlcə SDİ sədrinin mövzu ilə bağlı məruzəsi dinlənilib. Tədbirdə, həmçinin Azərbaycanın, Hindistanın, İsrailin, Braziliyanın və digər ölkələrin Türkiyədəki səfirlərinin çıxışları olub.
Çıxışlarda COVID-19 infeksiyasının dünyada yaratdığı problem, ölkələrdə mövcud vəziyyət, böhrandan çıxış yolları, tərəflərin üzərinə düşən məsuliyyət və digər məsələlərdən söz açılıb.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
