ANKARADA TƏBİİ FƏLAKƏT NƏTİCƏSİNDƏ ÜÇ NƏFƏR HƏLAK OLMUŞ, 14 ADAM YARALANMIŞDIR

19.06.2004 [20:31]
Çap et
A⁺ A^-

AZƏRTAC-ın müxbiri xəbər verir ki, iyunun 19-da yerli vaxtla saat 12.30 radələrində Ankaranın Çibuk rayonunda güclü külək nəticəsində yaranan burulğan 3 nəfərin həlakına, 14 adamın yaralanmasına səbəb olmuşdur. Yaralılardan birinin vəziyyəti çox ağırdır.

Burulğan Çibuk rayonunun Sünlü kəndinə böyük ziyan vurmuşdur. Kəndin 45 evində müxtəlif dağıntılar meydana gəlmişdir. Burulğan küçədəki ağacları kökündən qoparmış, avtomobil, hətta yük maşınlarını belə devirmiş, evlərin damlarını aparmışdır. 19 ev tam yararsız hala düşmüşdür.

Hadisə yerinə çoxlu tikinti materialı, texnika və avadanlıq göndərilmişdir. Ankarada belə təbiət hadisəsi ilk dəfə baş vermişdir.