“Ankaragücü” klubunun yeni baş məşqçisi müəyyənləşib
Bakı, 20 fevral, AZƏRTAC
“Ankaragücü” futbol klubunun yeni baş məşqçisi bəlli olub.
AZƏRTAC xəbər verir ki, Super Liqa təmsilçisini bundan sonra Sedat Ağçay çalışdıracaq.
Qırx bir yaşlı mütəxəssislə müqavilə bu mövsümün sonunadək nəzərdə tutulub. O, bir müddət əvvəl uğursuz nəticələrə görə istefaya göndərilmiş Ömer Erdoğanı əvəz edib.
Ağçay futbolçu karyerasına məhz “Ankaragücü”də bitirib və 2020-ci ildən bu klubda məşqçi kimi fəaliyyət göstərirdi.
“Ankaragücü” Super Liqada 21 oyuna topladığı 22 xalla 15-ci pillədə qərarlaşıb.
Bölmənin digər xəbərləri
