ANNA QURBANOVANIN GÜMÜŞ MEDALI

05.04.2004 [17:59]
Çap et
A⁺ A^-

Azərbaycan gimnastı Anna Qurbanova Riqada keçirilən “Baltika çənbəri” beynəlxalq turnirində uğurla çıxış etmiş və 25,1 bal toplayaraq, gürzlərlə təmrinlərin finalında gümüş medal qazanmışdır. “Neftçi”nin nümayəndələri gürzlərlə təmrinlərdə 5-ci yeri (23,712 bal), topla təmrinlərdə (21,225 bal) və lentlə təmrinlərdə (21,25 bal) iki 6-ci yeri tutmuşlar. Ölkə çempionu atının gümüş mükafatçısı 96,550 bal toplayaraq, ümumi hesabda 4-cü nəticə göstərmişdir. O, “Təmrinlərin ən gözəl ifasına görə” də xüsusi mükafat almışdır. Svetlana Putinseva (Rusiya), Valeriya Kurilskaya və Lyubov Çarkaşina (hər ikisi Belarus) A.Qurbanovanı qabaqlayaraq, müvafiq surətdə birinci, ikinci və üçüncü yerləri tutmuşlar.

Azərbaycan Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, Dauqava sahillərində keçirilən bu yarışlar A.Qurbanova üçün Beynəlxalq Gimnastika Federasiyasının (FIG) təqvimində təsdiq olunmuş və aprelin 23-25-də Azərbaycan paytaxtında Heydər Əliyev adına İdman-Konsert Kompleksində keçiriləcək Dünya kuboku yarışlarına hazırlıq kimi qiymətləndirilir.

Bədii gimnastika üzrə yığma komandamızın digər üzvləri də Bakıda keçiriləcək Dünya kuboku yarışlarına hazırlığı davam etdirirlər. Dörd gimnastımız – iki dəfə Azərbaycan çempionu Dinara Gimatova, habelə Vəfa Hüseynova, Dina Qorina və Valeriya Yeqay Ulyanovskda bu vilayətin qubernatoru Vladimir Şamanovun mükafatları uğrunda ikinci beynəlxalq turnirdə iştirak edirlər.

ANNA QURBANOVANIN GÜMÜŞ MEDALI

MÜƏLLİFLƏ ƏLAQƏ

Bölmənin digər xəbərləri