ANTARKTİKADA OXUYAN AYSBERQ AŞKAR OLUNMUŞDUR

28.11.2005 [20:42]
Çap et
A⁺ A^-

AZƏRTAC xarici KİV-lərə istinadla xəbər verir ki, Antarktikada mikroprosesləri öyrənən alman alimlərinin dediklərinə görə, oxuyan aysberq tapılmışdır. Aysberqdən gələn səs dalğaları insan qulağının tuta bilməyəcəyi çox alçaq - 0,5 hers tezliyə malikdir. Lakin səsin sürəti artırılarsa, bu, arı sürüsünün vızıltısını, yaxud orkestrin ifasını xatırladır.

Almaniyanın Alfred Vegener adına Qütb və Dəniz Tədqiqatları İnstitutu tədqiqatların nəticələrini “Science” jurnalında dərc etmişdir. Antarktikadakı Ekström adlı şelf buzlağında seysmik siqnallar yazılarkən alimlər son dərəcə təmiz akustik siqnallara diqqət yetirmişlər. Tədqiqatçılar siqnalları izləyib 50X20 kilometr ölçülü aysberq aşkar etmişlər.

Tədqiqatın iştirakçısı Vera Şlindvayn demişdir: “Aysberq okeanın dibində möhkəm ilişib qaldıqdan sonra bir növ çay daşı kimi olmuşdur. Su böyük təzyiq altında onun çatlarından və tunellərindən özünə yol tapır və aysberq oxumağa başlayır. Səs əsil nəğmədəki kimi gah qalxır, gah da enir”.

ANTARKTİKADA OXUYAN AYSBERQ AŞKAR OLUNMUŞDUR

MÜƏLLİFLƏ ƏLAQƏ

Bölmənin digər xəbərləri