Aqrar Sığorta Fondu İsmayıllıda fermerlərlə görüşüb
İsmayıllı, 12 sentyabr, AZƏRTAC
İsmayıllıda rayon icra hakimiyyətinin və Dövlət Aqrar İnkişaf Mərkəzinin təşkilatçılığı ilə Soltankənd kəndində açıq tarla şəraitində Aqrar Sığorta Fondunun fermerlərlə görüşü keçirilib. Görüşdə Aqrar Sığorta Fondunun rəhbər işçiləri və müstəqil ekspertlər iştirak ediblər.
AZƏRTAC-ın bölgə müxbiri xəbər verir ki, fondun rəhbəri Fuad Sadıqov Aqrar Sığorta Fondunun yaranması, fəaliyyət istiqamətləri barədə fermerlərə geniş məlumat verib. Qeyd edib ki, fond respublikamızda aqrar sığorta sisteminin təşkilini, inkişafını və dayanıqlılığını həyata keçirən qeyri-kommersiya hüquqi şəxsdir.
Görüşdə fermerlərin çoxsaylı sualları cavablandırılıb, onlara sığorta işinin vacibliyi izah edilib.
Sonra qonaqlar “Azza Agro” MMC-yə məxsus heyvandarlıq kompleksində və “İsmayıllı Şərab-1” istehsal müəssisəsində olublar.
Bölmənin digər xəbərləri
