AŞPA Gürcüstanla bağlı qətnamə qəbul edib
Tbilisi, 10 aprel, AZƏRTAC
Avropa Şurası Parlament Assambleyası (AŞPA) Gürcüstanla bağlı qətnamə qəbul edib.
AZƏRTAC xəbər verir ki, AŞPA-nın 89 deputatı sənədin lehinə, 3-ü əleyhinə səs verib, 5 nəfər bitərəf qalıb.
Qətnamədə bildirilir ki, AŞPA Gürcüstan nümayəndə heyətinin etimadnamələrinin təsdiqlənməsinə baxmayaraq, onun bütün üzvlərinin Assambleyanı tərk etməsindən və bununla da dialoqdan imtina olunmasından dərin təəssüf hissi keçirir. Eyni zamanda, vurğulanır ki, bu ölkə ilə bağlı tövsiyələr bu günə qədər yerinə yetirilməyib, mövcud vəziyyətə dair çağırışlar isə davam edir. “Assambleya Gürcüstan hakimiyyətini ölkədəki böhrandan çıxmağa, Avropa Şurası və Assambleya ilə əməkdaşlığı tam bərpa etmək üçün müvafiq tədbirlər görməyə çağırır”, – deyə qətnamədə bildirilir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
