AŞPA-NIN PAYIZ SESSİYASI BAŞLANMIŞDIR
Günün ikinci yarısında sessiyanı açmış AŞPA-nın sədri Rene van der Linden ötən sessiyadan sonra görülmüş işlər barədə məlumat vermişdir.
Sonra sessiyanın gündəliyinin təsdiqi ətrafında müzakirələr aparılmışdır. Deputatlar Meksikada prezident, Makedoniya və Çernoqoriyada parlament seçkilərinin nəticələrini, Balkanlarda vəziyyəti, Avropa Şurasının üzvü olan dövlətlər tərəfindən milli azlıqlara dair konvensiya sənədinin ratifikasiya edilməsini, İqtisadi İnkişaf və Əməkdaşlıq Təşkilatı və dünya iqtisadiyyatı, etnik təmizləmə, zor gücünə məcburi köçkünə çevrilmiş insanların xatirəsinə Avropa Mərkəzinin yaradılması, kütləvi informasiya vasitələrində sığınacaq istəyənlərə, qaçqınlara və miqrantlara dair yazıların verilməsi, sosial sağlamlıq və ailə, Rusiya Federasiyasının inkişafında Avropanın maraqları və digər məsələləri sessiyanın gedişində müzakirə etməyi qərara almışlar.
Sessiyada Serbiya Prezidentinin, Albaniya və Xorvatiya baş nazirlərinin çıxışları, Nazirlər Komitəsinin hazırkı sədri, Rusiyanın xarici işlər naziri Sergey Lavrovun hesabatı dinləniləcəkdir.
Həmin gün sessiyada Meksikada prezident, Makedoniya və Çernoqoriyada parlament seçkilərini müşahidə etmiş AŞPA məruzəçilərinin çıxışları dinlənilmişdir.
Bölmənin digər xəbərləri
