Avqustda Enerji Məsələlərini Tənzimləmə Agentliyi Texniki Şuralara daxil olan 207 müraciətə baxıb
Bakı, 5 sentyabr, AZƏRTAC
Cari ilin avqust ayı ərzində Enerji Məsələlərini Tənzimləmə Agentliyi tərəfindən sahibkarlıq obyektlərinin elektrik şəbəkəsinə qoşulması ilə bağlı Texniki Şuralara daxil olan 207 müraciətə baxılıb.
Energetika Nazirliyindən AZƏRTAC-a bildirilib ki, həmin müraciətlərdən 206-sının icrası təmin edilib, bir müraciət isə təqdim olunmuş sənədlərdə uyğunsuzluqlar səbəbindən baxılmamış saxlanılıb.
Müraciətlərə 1 saylı “ASAN Kommunal”, 2 saylı “ASAN Kommunal”, Sumqayıt "ASAN xidmət", Gəncə "ASAN xidmət", Sabirabad "ASAN xidmət", İmişli "ASAN xidmət", Masallı "ASAN xidmət", Quba "ASAN xidmət", Bərdə "ASAN xidmət", Mingəçevir "ASAN xidmət", Qəbələ "ASAN xidmət", Şəki "ASAN xidmət", Şamaxı "ASAN xidmət", Kürdəmir "ASAN xidmət", Tovuz "ASAN xidmət", Ağcabədi "ASAN xidmət" mərkəzlərində və Xaçmaz “KOB evi”ndə fəaliyyət göstərən Texniki Şuralarda Azərbaycan Respublikası Nazirlər Kabinetinin 2018-ci il 27 aprel tarixli “Tikinti obyektlərinin enerji təchizatı şəbəkəsinə qoşulmasına görə qoşulma haqqı məbləği”nin təsdiq edilməsi barədə Qərarına uyğun olaraq baxılıb.
Bölmənin digər xəbərləri
