Avropa Atmosfer Tədqiqatları Təşkilatının qərargahı Finlandiyada yerləşəcək
Helsinki, 12 iyun, AZƏRTAC
Avropa Atmosfer Tədqiqatları Təşkilatının (ACTRİS) bəyanatında bildirilir ki, bu qurumun qərargahı Finlandiyada yerləşəcək.
ACTRİS 2020-ci ildən fəaliyyətə başlayacaq.
AZƏRTAC xəbər verir ki, bu barədə qərar 18 ölkənin nazirlərinin daxil olduğu orqan tərəfindən qəbul edilib. Tərəfdaşlıq təşkilatı olan ACTRİS-in sərəncamında avropalı tədqiqatçılar, elmi stansiyalar, ölçmə avadanlıqlar və ölçmələr barədə məlumatları var. Təşkilatın formalaşması 2014-cü ildən başlanıb. Onun bilavasitə əməli fəaliyyəti isə 2020-ci ildə başlanacaq.
Nigar Cəfərli
AZƏRTAC-ın xüsusi müxbiri
Helsinki
Bölmənin digər xəbərləri
