Avropa çempionatı: Azərbaycan cüdoçuları təsəlliverici görüşdə üz-üzə gələcəklər
Bakı, 23 aprel, AZƏRTAC
Monteneqronun paytaxtı Podqoritsada cüdo üzrə Avropa çempionatına start verilib.
AZƏRTAC xəbər verir ki, yarışın ilk günündə Azərbaycan millisinin 5 üzvü tatamiyə çıxıb.
Onlardan yalnız Əhməd Yusifov və Turan Bayramov (hər ikisi 60 kiloqram) 1/4 finaladək irəliləyiblər. Bu mərhələdə rəqiblərinə uduzan idmançılarımız bürünc medal uğrunda təsəlliverici görüşdə bir-biri ilə üz-üzə gələcəklər.
Bu gün mübarizəyə qoşulan Könül Əliyeva (48 kiloqram) 1/8 finalda, Gültac Məmmədəliyeva (52 kiloqram) və Ruslan Paşayev (66 kiloqram) isə ilk görüşlərində məğlub olaraq turnirlə vidalaşıblar.
Qeyd edək ki, Avropa çempionatına aprelin 26-da yekun vurulacaq.
Bölmənin digər xəbərləri
