Avropa Liqası: “Sabah”ın II təsnifat mərhələsindəki potensial rəqibi bəlli olacaq
Bakı, 18 iyun, AZƏRTAC
Bu gün UEFA Avropa Liqasında II təsnifat mərhələsinin püşkü atılacaq.
AZƏRTAC xəbər verir ki, Bakı vaxtı ilə saat 15:00-da start götürəcək püşkatma mərasimində Azərbaycan təmsilçisi "Sabah"ın da potensial rəqibi müəyyənləşəcək.
Səpələnməməmişlər səbətində yer alan Bakı klubunun mümkün rəqibləri aşağıdakılardır:
"Braqa" (Portuqaliya)
"Legiya" (Polşa) - "Aktobe" (Qazaxıstan) cütünün qalibi
AEK (Larnaka, Kipr)- "Partizan" (Serbiya) cütünün qalibi
"Luqano" (İsveçrə)
"Sabah" I təsnifat mərhələsində Sloveniyanın "Tselye" klubunu mübarizədən kənarlaşdırsa, bu komandalardan biri ilə qarşılaşacaq.
Qeyd edək ki, Azərbaycan Kubokunun son qalibi "Tselye" ilə ilk matçına iyulun 10-da evdə, cavab qarşılaşmasına bir həftə sonra səfərdə çıxacaq. II raundun görüşləri isə iyulun 24-ü və 31-də keçiriləcək.
Bölmənin digər xəbərləri
