AVROPADAKI AZƏRBAYCAN DİASPOR TƏŞKİLATLARIƏMƏKDAŞLIQ MÜQAVİLƏSİ BAĞLAYIRLAR

01.10.2006 [00:22]
Çap et
A⁺ A^-

“Belçika Azərbaycan Evi”nin Baki ofisindən AZƏRTAC-a bildirmişlər ki, Avropanın müxtəlif ölkələrində fəaliyyət göstərən Azərbaycan diaspor təşkilatları birgə əməkdaşlıq haqqında müqavilə imzalayırlar. Bu günlərdə təşkilatın Brüsseldəki mərkəzi ofisində “London Azərbaycan” Cəmiyyətinin sədri Tale Heydərov və “Belçika Azərbaycan Evi”nin sədri Bülənt Gürçam arasında da “Əməkdaşlıq və Tərəfdaşlıq haqqında” müqavilə imzalanmışdır.

Müqaviləyə əsasən, Azərbaycan diasporunun formalaşması, inkişafı, güclənməsi, Azərbaycan həqiqətlərinin dünya ictimaiyyətinə daha dolğun və ətraflı çatdırılması istiqamətində səylərini birləşdirəcəklər.

Təşkilatdan onuda bildirmişlər ki, “Belçika Azərbaycan Evi”nin təklif etdiyi “Əməkdaşlıq və Tərəfdaşlıq haqqında” müqavilənin əsas məqsədi Avropanın 27 ölkəsində fəaliyyət göstərən Azərbaycan diaspor təşkilatlarının birliyinə nail olmaqdır.

Brüsselin Avropa İttifaqının paytaxtı olduğunu nəzərə alan təşkilatçılar Avropadakı Azərbaycan diaspor təşkilatlarının əlaqələndirmə mərkəzinin də bu şəhərdə yerləşməsini zəruri sayırlar.

Yaxın günlərdə Litva Azərbaycanlıları Cəmiyyəti ilə də belə müqavilə imzlanacaqdır.