“AYESAŞ”ın nümayəndəsi: Azərbaycan Silahlı Qüvvələri üçün hazırladığımız layihələr üzərində işlər sürətlə davam edir
Bakı, 26 sentyabr, AZƏRTAC
Türkiyənin “AYESAŞ” şirkətinin Azərbaycan Müdafiə Sənayesi Nazirliyinin Elmi Tədqiqat İnstitutu ilə birgə layihəsi və Azərbaycan Silahlı Qüvvələrinin istifadəsinə verilməsi məqsədilə 2022-ci ildə başlatdığı layihələr üzrə işlər tam sürətlə davam edir. “AYESAŞ”ın bu çərçivədə həyata keçirdiyi işlər “ADEX-2024” 5-ci Yubiley Azərbaycan Beynəlxalq Müdafiə Sərgisində nümayiş etdirilir.
Bu barədə AZƏRTAC-a “AYESAŞ”ın Baş direktorunun müavini Betül Kalay açıqlama verib.
B.Kalay xatırladıb ki, 2023-cü il oktyabrın 31-də Ankarada hərbi məqsədlərlə istifadə edilməsi planlaşdırılan yer platformalarında qəza halında axtarış-xilasetmə fəaliyyətlərində istifadə olunacaq qəza xəbərdarlıq cihazlarının Türkiyə və Azərbaycan mühəndisləri tərəfindən əməkdaşlıq çərçivəsində hazırlanması üçün müvafiq Yol Xəritəsi Anlaşması imzalanmışdı: “Layihənin həyata keçirilməsi üçün “AYESAŞ” və Azərbaycan Müdafiə Sənayesi Nazirliyinin Elmi-Tədqiqat İnstitutunun mühəndisləri Ankarada və Bakıda birlikdə texniki məlumat mübadiləsi aparmağa, layihənin inkişafına dair mərhələləri müəyyən etməyə və bütün planlaşdırmalar üçün yol xəritəsi çalışmalarına davam edir”.
“AYESAŞ”ın “ADEX-2024”də təqdim etdiyi Qəza Xəbərdarlıq cihazları quraşdırıldığı yer platformasının bütün məlumatlarını ehtiva edərək ən sürətli və uyğun axtarış-xilasetmə işlərinin gecikmədən başlamasına imkan yaradır”, - deyə Betül Kalay əlavə edib.
Bölmənin digər xəbərləri
