Azadə Hüseynova: Ölkəmizdə qastronomiya turizmini inkişaf etdirmək üçün geniş imkanlar mövcuddur
Bakı, 30 may, AZƏRTAC
Azərbaycanın zəngin mətbəxi qastronomiya sahəsində böyük potensiala malikdir. Apardığımız araşdırmalar da göstərir ki, gələcəkdə ölkəmizdə təkcə milli səviyyədə deyil, beynəlxalq miqyasda da qastronomiya turizmini inkişaf etdirmək üçün geniş imkanlar mövcuddur.
AZƏRTAC xəbər verir ki, bu fikirləri Dövlət Turizm Agentliyinin sədr müavini Azadə Hüseynova mayın 30-da Agentliyin təşkilatçılığı ilə “Azərbaycanın qastroturizm perspektivləri” mövzusunda keçirilən media təqdimatında deyib.
"Dövlət Turizm Agentliyi tərəfindən Azərbaycanın zəngin mətbəxinin və qastronomiyasının inkişafı istiqamətində çoxşaxəli layihələr həyata keçirilir. Həmçinin Agentlik tərəfindən verilən sözlərin əksəriyyəti icra olunub. Peşəkar aşpazların yetişdirilməsi ilə bağlı kurslar, təlimlər keçirilib. Azərbaycanın qastronomiya turizmini tanıtmaq üçün beynəlxalq tədbirlərdə iştirak etmişik. Komandamız beynəlxalq yarışlarda yaxşı nəticələr əldə ediblər", - deyə A.Hüseynova qeyd edib.
Bölmənin digər xəbərləri
