Azərbaycan alimi beynəlxalq konfransda Qurban bayramı ilə bağlı məruzə edib
Bakı, 26 fevral, AZƏRTAC
Rusiyanın Luqansk şəhərində keçirilən “Müasir cəmiyyətdə filologiya, linqvistika və təhsil” elmi-praktik konfransda Azərbaycan Milli Elmlər Akademiyasının Folklor İnstitutunun Mifologiya şöbəsinin aparıcı elmi işçisi filologiya üzrə fəlsəfə doktoru, dosent Şakir Albalıyev “Mifoloji-dini baxışlar: Qurban bayramı” mövzusunda məruzə edib.
İnstitutdan AZƏRTAC-a bildirilib ki, mifoloji və dini təhlillərə əsaslanan alim ilk dəfə olaraq məruzədə qurbanvermənin təsnifatı və tipologiyasını təqdim edib.
Məruzənin yekununda ona verilən sualları cavablandıran Ş.Albalıyev dünya müsəlmanlarının keçirdiyi Qurban bayramının keçmişdən bu günədək təşəkkül və inkişaf mərhələlərinə aydınlıq gətirib, həmçinin müasir dövrdə bayramın bütün İslam dünyasında sivil bir səviyyədə qeyd edildiyini açıqlayıb.
Alimin çıxışı yüksək dəyərləndirildiyi üçün ona gələcək konfranslarda da əməkdaşlıq təklif edilib.
Qeyd edək ki, 11 bölmə üzrə keçirilən konfransda Rusiyanın və başqa ölkələrin alimlərinin aktual məruzələri dinlənilib.
Bölmənin digər xəbərləri
