Azərbaycan çempionatlarında növbəti oyunların vaxtı dəqiqləşib
Bakı, 20 fevral, AZƏRTAC
Kişi və qadın voleybolçular arasında Azərbaycan çempionatlarında növbəti oyunların vaxtı dəqiqləşib.
AZƏRTAC Azərbaycan Voleybol Federasiyasına istinadla xəbər verir ki, fevralın 22-də kişi voleybolçular arasında Yüksək Liqada üçüncü dövrənin növbəti oyunları keçiriləcək. Həmin gün baş tutacaq IX tura saat 16:00-da “Murov” - “Xarı bülbül” görüşü ilə start veriləcək. Ardınca saat 18:00-da “Neftçi” - MOİK qarşılaşması keçiriləcək.
Fevralın 23-də isə qadın voleybolçular arasında Yüksək Liqada üçüncü dövrənin son oyunları keçiriləcək. Voleybol Mərkəzində təşkil olunacaq IX turun ilk matçı saat 16:00-da “Murov” və “Abşeron” komandaları arasında baş tutacaq. Bu qarşılaşmadan 2 saat sonra “Azərreyl” - UNEC dueli start götürəcək.
Bölmənin digər xəbərləri
