AZƏRBAYCAN DİASPORUNUN İNKİŞAFI ÜÇÜN 5 MİLYON MANAT VƏSAİT ARTIRILMIŞDIR
Maliyyə naziri Əvəz Ələkbərov AZƏRTAC-ın müxbirinə demişdir ki, Azərbaycanın beynəlxalq aləmdə nüfuzunun yüksəldilməsi, diplomatik xidmətin əhatə dairəsinin, ölkə iqtisadiyyatının dünya iqtisadiyyatına inteqrasiyasının sürətləndirilməsi və diasporun inkişafı üçün 2006-cı ilin dövlət büdcəsində 34,5 milyon manat (cari illə müqayisədə 40,8 faiz çox) vəsait nəzərdə tutulmuşdur. Həmin vəsaitin 5,4 milyon manatı gələn il açılması nəzərdə tutulan səfirlik və diplomatik nümayəndəliklər, 5 milyon manatı isə diaspor üçündür.
Dövlət başçısının tapşırığına əsasən Xarici Ölkələrdə Yaşayan Azərbaycanlılarla İş üzrə Dövlət Komitəsinin 2006-cı ilin dövlət büdcəsindəki xərcləri daha 400 min manat artırılmışdır.
Yeni artım Komitənin işinin səmərəliliyinin yüksəldilməsi və diasporun inkişafı üçün nəzərdə tutulub.
Bölmənin digər xəbərləri
