AZƏRBAYCAN GÜLƏŞÇİLƏRİ ANTALYADA BEYNƏLXALQ TURNİRDƏ İŞTİRAK EDƏCƏKLƏR
Bakı, 12 may (AZƏRTAC). Mayın 13-dən 18-dək Antalyada sərbəst və yunan-Roma güləşi üzrə beynəlxalq turnir keçiriləcəkdir. Azərbaycanı bu yarışda 16 gənc güləşçi təmsil edəcəkdir.
Gənclər və İdman Nazirliyindən bildirmişlər ki, sərbəst güləş üzrə yarışlarda ölkəmizin idman şərəfini Əfrahim Şəfiyev (50 kq), Azər Paşayev (55 kq), Cavid Dəmirov (60 kq), İbrahim Yusubov (66 kq), Zaur Ələkbərov (74 kq), Roman Bəkirov (84 kq), Xangerey Asiyatilov (96 kq), Aslan Dzabişov (120 kq) qoruyacaqlar.
Yunan-Roma güləşi üzrə yarışlarda isə ölkəmizi Səid Balabəyov (50 kq), Taleh Məmmədov (55 kq), Cəfər Balaqədəşov (60 kq), Kamran Məmmədov (60 kq), Rəsul Cunayev (66 kq), Nicat Sadıxov (74 kq), Murtuza Tağıyev (84 kq), Səbuhi Hümbətov (96 kq) təmsil edəcəklər.
Bölmənin digər xəbərləri
