AZƏRBAYCAN İDMANÇILARI OLİMPİYA OYUNLARINA DAHA 4 LİSENZİYA OAZANMIŞLAR
Azərbaycan idmançıları boks və cüdo üzrə lisenziyalı turnirlərdə Olimpiadaya daha 4 vəsiqə qazanmışlar. Gənclər, İdman və Turizm Nazirliyinin mətbuat xidmətində AZƏRTAC-ın müxbirinə bildirmişlər ki, Plovdivdə keçirilən boks üzrə beynəlxalq turnirdə 60 kq çəki dərəcəsində çıxış edən Rövşən Hüseynov yarışların finalına çıxmış, bununla da 2004-cü il Olimpiya oyunlarında iştirak etmək hüququ qazanmışdır. Varşavada keçirilən turnirdə Sidney Olimpiadasının bürünc mükafatçısı Vüqar Ələkbərov (81 kq) və Şahin İmranov da builki Olimpiadaya lisenziya qazana bilmişlər.
İdmanın digər növündə - cüdo üzrə yarışlarda 100 kq çəki dərəcəsində çıxış edən Mövlud Mirəliyev də milli yığmamıza lisenziya gətirmişdir. O, Tbilisidə keçirilən builki sonuncu lisenziyalı turnirdə kifayət qədər xal toplamışdır.
Bölmənin digər xəbərləri
