Azərbaycan millisi Lüksemburqla oyunda hesab arasındakı fərqi azaldıb
Bakı, 2 sentyabr, AZƏRTAC
Futbol üzrə dünya çempionatının seçmə mərhələsi çərçivəsində keçirilən Lüksemburq-Azərbaycan oyununda ikinci hissə davam edir.
AZƏRTAC xəbər verir ki, millimiz hesab arasındakı fərqi azaldıb. Matçın 67-ci dəqiqəsində Emin Mahmudov hesab arasındakı fərqi azaldıb - 2:1.
Matçın birinci hissəsi meydan sahiblərinin üstünlüyü ilə yekunlaşıb. Oyunun 8-ci dəqiqəsində lüksemburqlu futbolçu Mika Pinto hesabı açıb. İyirmi dəqiqə sonra millimizin qapısına təyin olunmuş penalti zərbəsini dəqiq yerinə yetirən Jerson Rodriges komandasını hesabda önə çıxarıb.
Qeyd edək ki, iki oyundan sonra xalı olmayan Azərbaycan millisi sonuncu pillədə qərarlaşıb. Lüksemburq isə 3 xalla üçüncüdür.
Bölmənin digər xəbərləri
