Azərbaycan Respublikasının Nazirlər Kabineti qərara almışdır ki, “Hərbi-həkim ekspertizası haqqında Əsasnamə”nin (“Hərbi-həkim ekspertizasının təşkili və aparılması Qaydası” və “Hərbi qulluqçuların, hərbi xidmətə çağırılan və ya müqavilə (kontrakt) üzrə hərbi qulluğa daxil olan vətəndaşların sağlamlığının vəziyyətinə dair tələblər”in) təsdiq edilməsi haqqında” Azərbaycan Respublikası Nazirlər Kabinetinin 2000-ci il 18 mart tarixli 48 nömrəli qərarına aşağıdakı dəyişikliklər edilsin:

1. Əsasnamənin “Hərbi-həkim ekspertizasının təşkili və aparılması Qaydası” bölməsinin:

bütün mətnində ismin müvafiq hallarında işlənmiş “yaralanma (travma, xəsarət, kontuziya), xəstəlik” sözləri müvafiq olaraq “xəsarət (yaralanma, travma, kontuziya), xəstəlik” sözləri ilə, “səhhəti” sözü “sağlamlıq vəziyyəti” sözləri ilə,

30-cu bəndinin 2-ci abzasında “hərbi xidmətə yararlılığın fərdi qiymətləndirməsi nəzərdə tutulan” sözləri “hərbi xidmətə yararlılığın fərdi qiymətləndirilməsini və sıradankənar hərbi xidmətə yararlılığı nəzərdə tutulan” sözləri ilə,

42-ci bəndinin 1-ci abzasında “27” rəqəmi “35” rəqəmi ilə, 2-ci abzasında isə “və” sözü “şəxslərin, o cümlədən,” sözləri ilə,

44-cü bəndinin 8-ci abzasında “dövründə keçirdikləri kəskin xəstəliklərə və ya xroniki xəstəliklərin kəskinləşməsinə” sözləri “dövründə aldıqları xəsarətlərə ( yaralanmalara, travmalara, kontuziyalara) və kecirdikləri xəstəliklərə” sözləri ilə və “xəstəliklərin nəticələri” sözləri “xəsarətlərin (yaralanmaların, travmaların, kontuziyaların), xəstəliklərin nəticələri” sözləri ilə,

45-ci bəndinin “a” yarımbəndinin 2-ci abzasında “quruluşunu müdafiə” sözləri “quruluşunun müdafiəsi ilə əlaqədar bilavasitə döyüş əməliyyatlarında iştirak” sözləri ilə,3-cü abzasında “dəyişən və ya yararsızlığına (o cümlədən, müvəqqəti yararsızlığına) gətirib çıxaran dərəcəyə çatmışsa “ sözləri “dəyişirsə “ sözü ilə, 4-cü abzasında “əsirlikdə olduğu dövrdə (əgər əsir düşmə könüllü olmamışsa və hərbi qulluqçu əsirlikdə olarkən Vətənə qarşı cinayət törətməmişsə)” sözləri “bilavasitə döyüş əməliyyatları zamanı və döyüş tapşırığını yerinə yetirəndə əsir düşərək əsirlikdə olduğu dövrdə ( əgər əsir düşmə könüllü olmamışsa və Vətənə qarşı cinayyət törətməmişsə)” sözləri ilə, “e” yarımbəndinin 2-ci abzasında “dəyişəcək və ya yararsızlığına ( o cümlədən, müvəqqəti yararsızlığına) gətirib çıxaracaq dərəcəyə çatmamışsa” sözləri “ dəyişmirsə” sözü ilə,

47-ci bəndinin 2-ci abzasında “və ya şahidlərin yaşayış yeri üzrə hərbi komissar” sözləri “hərbi hissə komandirlərinin, orqanların yuxarı rəhbərliyi” sözləri ilə əvəz edilsin;

3-cü bənd üzrə :

“a” yarımbəndinə aşağıdakı redaksiyada yeni abzas əlavə edilsin:

“Azərbaycan Respublikası Silahlı Qüvvələrinin, orqanların və digər qoşunların mülki heyətindən olan şəxslərin”;

“ç” yarımbəndinə aşağıdakı redaksiyada yeni abzas əlavə edilsin:

“hərbi qulluqçuların, orqanlarda xidmət edən vətəndaşların, hərbi-tibb müəssisələrində pulsuz tibbi təminat hüququna malik Silahlı Qüvvələrin və orqanların ehtiyatında olan şəxslərin nəqliyyat vasitələrinin idarəetməyə yararlığının təyin edilməsi”;

4-cü bəndinə aşağıdakı redaksiyada yeni abzas əlavə edilsin:

“HHK-ları hərbi -həkim ekspertizası məsələləri ilə əlaqədar hərbi komissarlıqlardan, hərbi hissələrdən, orqanlardan, hərbi-tibb müəssisələrindən, mənsubiyyətindən asılı olmayaraq dıgər tibb müəssisələrindən və təşkilatlardan şəxsi və pensiya işlərini, tibbi sənədləri, inzibati araşdırma, təhqiqat, cinayyət işi materiallarını, xasiyyətnamələri, arxiv arayışlarını, əmrlərdən, aktlardan, protokollardan çıxarışları və qərar çıxarmaq üçün zəruri olan digər sənədləri tələb edirlər.” ,

11-ci bəndində “Orqanlarda” sözündən əvvəl “Digər qoşunlarda və” sözləri əlavə edilsin;

30-cu bəndinə aşağıdakı redaksiyada yeni abzas əlavə edilsin;

“sıradankənar hərbi xidmətə yararlı və (və ya) müəyyən qoşun növündə hərbi xidmətə yararsız hesab edilmiş hərbi qulluqçular həmin qoşun növündə arxa xidməti mütəxəssislərinin xidmət heyəti vəzifələrinə, qulluqetmə heyətinə, inzibati-təsərrüfat və digər vəzifələrə təyin edilirlər”. ,

42-ci bəndinin 2-ci abzasında “5 ildən bir” sözlərindən sonra (vərəm xəstəliyinə görə ehtiyata buraxılmış şəxslərin isə 3 ildən bir) sözləri əlavə edilsin;

44-cü bəndinin 2-ci abzasında “xidmət keçmiş” sözlərindən sonra “(hərbi xidmətdən qanunvericilikdə nəzərdə tutulmuş qaydada ehtiyata buraxılmış və ya tərxis olunmuş şəxslər)” sözləri əlavə edilsin;

45-ci bəndinə aşağıdakı redaksiyada yeni abzas əlavə edilsin:

“Hərbi xidmətə, orqanlarda xidmətə qədər sağlamlıq vəziyyətinə görə hərbi xidmətə, orqanlarda xidmətə yararlılıq dərəcəsini dəyişdirən xəsarətlər (yaralanmalar, travmalar, kontuziyalar), xəstəliklər təyin olunmuş və hərbi xidmətə, orqanlarda xidmətə düzgün çağırılmamış şəxslər haqqında, əgər xidmət dövründə yararsızlıq dərəcəsi artmamışsa, həmin xəsarətlərin (yaralanmaların, travmaların, kontuziyaların), xəstəliklərin hərbi xidmətlə, orqanlarda xidmətlə səbəb əlaqəsi təyin olunmur.”;

45-ci bəndinin “ç” yarımbəndinə aşağıdakı redaksiyada yeni 4-cü abzas əlavə edilsin və 4-cü və 5-ci abzaslar müvafiq olaraq 5-ci və 6-cı abzaslar hesab edilsin:

“-əgər şəhadətləndirilən şəxs xəsarəti (yaralanmanı, travmanı, kontuziyanı), xəstəliyi bilavasitə hərbi xidmət vəzifələrinin (xidməti vəzifələrin) icrası ilə əlaqədar olmayan, öz səhlənkarlığı və ya ehtiyatsızlığı səbəbindən əsir düşərək, əsirlikdə almışsa;”;

3-cü bəndinin “a” yarımbəndindən 10-cu abzas və 30-cu bəndinin 4-cü abzası çıxarılsın.

7-ci bəndinin 1-ci abzasında “Belə hallarda,” sözləri çıxarılsın.

2. Əsasnamənin “Hərbi qulluqçuların, hərbi xidmətə çağırılan və ya müqavilə (kontrakt) üzrə hərbi qulluğa daxil olan vətəndaşların sağlamlığının vəziyyətinə dair tələblər” bölməsinin:

1-ci qrafasına “ehtiyatda” olan əsgərlər, matroslar, çavuşlar, hərbi uçotda olmayan qadın vətəndaşlar” sözləri və 2-ci qrafasına və “ehtiyatda olan əsgərlər, matroslar, çavuşlar, hərbi xidmətə könüllü, müqavilə (kontrakt) üzrə daxil olarkən” sözləri əlavə edilsin;

1-ci abzasında “səhhətinə” sözü “sağlamlıq vəziyyətinə” sözləri ilə əvəz edilsin;

III qrafasında “ehtiyatda olan zabitlər; hərbi xidmət keçməmiş ehtiyatda olan zabitlər hərbi xidmətə və hərbi toplanışa çağırılanda; hərbi xidmətə könüllü daxil olan, müqavilə (kontrakt) üzrə hərbi qulluğa daxil olan, hərbi xidmət keçən şəxslərin” sözləri “ehtiyatda olan zabitlərin; hərbi xidmətə, hərbi toplanışa çağırılan və hərbi xidmət keçməmiş ehtiyatda olan zabitlərin” sözləri ilə əvəz edilsin.

3. Əsasnamənin “Xəstəliklər cədvəli”nin 34-cü maddəsinin “b” bəndində “yaxıngörməsi” sözündən sonra “yaxud uzaqgörməsi” sözləri əlavə edilsin.

4. Əsasnamənin “Xəstəliklər cədvəli”nin maddələrinin tətbiqinə dair İzahatların:

2-ci maddəsinin 5-ci abzasının “-ilkin vərəm” sözlərindən əvvəl “ağ ciyərlərdən birində” sözləri və 45-ci maddəsinin 4-cü abzasının “aterosklerozu;” sözündən sonra “ II mərhələ anqiotrofonevrozu” sözləri əlavə edilsin;

13-cü maddəsinin 11-ci abzasında “zəif qidalanma üçün - 18,5-19,4; hipotrofiya olanda 18,5-dən az” sözləri “zəif qidalanma üçün - 18,0-19,4; hipotrofiya olanda 18,0-dan az;” sözləri ilə əvəz edilsin;

68-ci maddəsinin 3-cü abzasında “artrozun” sözündən əvvəl “II dərəcəli” sözləri və 4-cü abzasında isə “iki barmağın” sözlərindən sonra “olmaması” sözü əlavə edilsin.

s. Əsasnamənin “Vətəndaşların səhhətinin vəziyyətinə əlavə tələblər cədvəli”:

“a” bəndinin başlığından “əsgər, matros, çavuşlarla əvəz olunan vəzifələrə” sözləri çıxarılsın;

“ç” bəndinin “Hərbi xidmətdə olmayan vətəndaşlar, zabit rütbəsi olmayan qulluqçular” bölməsinə 39-cu qrafadan sonra aşağıdakı redaksiyada yeni 40-ci qrafa əlavə edilsin və 40-cı, 41-ci qrafalar müvafiq olaraq 41-ci və 42-ci qrafalar hesab edilsin:

“Başqa hərbi tədris müəssisələri və dövlət ali ixtisas təhsili müəssisələrinin hərbi fakültələri” (əlavə olunur);

“a” bəndinin 1-ci qrafasında “Boy (sm-lə) - aşağı olmayaraq” sətrində “180” rəqəmi “175” rəqəmi ilə əvəz edilsin;

“ç” bəndinin “Fiziki inkişaf göstəriciləri” qrafasında “Maddə - 13 e” sözləri “Maddə -13 d” sözləri ilə əvəz edilsin.

“Hərbi-həkim ekspertizası haqqında Əsasnamə”nin (“Hərbi-həkim ekspertizasının təşkili və aparılması Qaydası” və “Hərbi qulluqçuların, hərbi xidmətə çağırılan və ya müqavilə (kontrakt) üzrə hərbi qulluğa daxil olan vətəndaşların sağlamlığının vəziyyətinə dair tələblər”in) təsdiq edilməsi haqqında” Azərbaycan Respublikası Nazirlər Kabinetinin 2000-ci il 18 mart tarixli 48 nömrəli qərarına dəyişikliklər edilməsi barədə” Azərbaycan Respublikası Nazirlər Kabinetinin 2001-ci il 12 oktyabr tarixli 164 nömrəli qərarına aşağıdakı dəyişikliklər edilsin:

1. “Bədən çəkisinin və boyun normada və qidalanma pozulmalarında nisbəti” cədvəlinin “a” bəndinin 1-ci qrafasında (Hipotrofiya) “BÇİ-18,5-dən az” sözləri “BÇİ-18,0-dən az” sözləri ilə; 2-ci qrafasında (Zəif qidalanma) “BÇİ-18,5-19,4” sözləri “BÇİ-18,0-19,4” sözləri ilə və cədvəlin 1-ci qrafasının 1-ci sətrində “40,0” rəqəmi “39,5” rəqəmi ilə, 2-ci qrafasının 1-11-ci sətrlərində “40,0-45,0; 45,5; 46,0; 46,5; 47,0; 47,5; 48,0; 48,0; 48,0; 48,0; 48,5” rəqəmləri müvafiq olaraq “39,5-42,3; 43,1; 43,7; 44,4; 44,9; 45,5; 46,1; 46,7; 47,3; 47,9; 48,4” rəqəmləri ilə əvəz edilsin.

Bu qərar imzalandığı gündən qüvvəyə minir.

Bu barədə AZƏRTAC-a Nazirlər Kabinetinin mətbuat mərkəzindən məlumat vermişlər.