AZƏRBAYCAN SƏFİRİ SƏUDİYYƏ ƏRƏBİSTANININ HƏCC NAZİRİ İLƏ GÖRÜŞMÜŞDÜR
Səfir mübarək Ramazan ayı münasibətilə naziri təbrik etdikdən sonra onu Qafqaz Müsəlmanları İdarəsinin sədri şeyxülislam hacı Allahşükür Paşazadənin adından Azərbaycana dəvət etmişdir. Nazir dəvəti razılıqla qarşılamışdır.
Söhbət əsnasında tərəflər bu ilin həcc mövsümünə hazırlıq və Azərbaycandan gələcək zəvvarların Səudiyyə Ərəbistanı tərəfindən qəbulu və yerləşdirilməsi məsələlərini müzakirə etmişlər.
Nazir Azərbaycan ilə Səudiyyə Ərəbistanı Krallığı arasında dini sahədə əlaqələrdən razı qaldığını bildirərək, münasibətlərin daha da inkişaf etdirilməsinə geniş imkanlar olduğunu vurğulamışdır.
Bölmənin digər xəbərləri
