AZƏRBAYCAN SİYASİ VƏ İQTİSADİ CƏHƏTDƏN HEÇ KİMDƏN ASILI DEYİL
Ölkəmizin maliyyə imkanlarının da artdığını vurğulayan Prezident bildirmişdir ki, indi Azərbaycan xəzinəsində 3 milyard dollar vəsait var. Bu, bizim ehtiyatlarımızdır. Azərbaycanın ildən-ilə artan büdcəsi bizə ölkənin qarşısında duran bütün vəzifələri həll etməyə imkan verir. Son üç il ərzində dövlət büdcəmiz 4 dəfə artıbdır və gələn ilin büdcəsi 6 milyard dollar olacaqdır. Nəzərə alaq ki, 2003-cü ildə 1 milyard 500 milyon dollar idi. Bu onu göstərir ki, ölkəmiz çox sürətlə inkişaf edir.
Dövlət başçısı demişdir: “İqtisadi artım sürətinə görə Azərbaycan dünyada birinci ölkədir. Bəlkə də dünya rekordudur ki, ölkədə iqtisadiyyat belə yüksək sürətlə - ildə 30-40 faiz artır. O cümlədən sənaye istehsalı. İnkişaf etmiş ölkələrdə bu artım 2-3 faizdir. Bizimlə təxminən bir səviyyədə olan ölkələrdə, keçid dövrünü yaşayan ölkələrdə maksimum 10 faizdir, Azərbaycanda isə 30 faizdir. Bütün bunlar, reallıqdır, gerçəklikdir və bizim düzgün siyasətimizi əks etdirir. İndi Azərbaycanda bütün sahələrdə inkişaf var”.
Bölmənin digər xəbərləri
