Azərbaycan voleybol millisi Yunanıstanla hər iki yoxlama oyununda qələbə qazanıb
Bakı, 31 iyul, AZƏRTAC
Avropa çempionatına hazırlığı davam etdirən qadın voleybolçulardan ibarət Azərbaycan millisi Yunanıstanda təşkil olunan təlim-məşq toplanışı çərçivəsində iki yoxlama oyununda qüvvəsini sınayıb.
Federasiyadan AZƏRTAC-a bildirilib ki, komanda Afinada Yunanıstan yığması ilə iki dəfə qarşılaşıb. Millimiz hər iki oyunda 3:1 hesablı qələbə qazanıb.
Qeyd edək ki, Faiq Qarayevin baş məşqçisi olduğu kollektiv Avropa çempionatına hazırlığının son mərhələsini Bakıda keçəcək.
Bölmənin digər xəbərləri
