AZƏRBAYCAN VOLEYBOLÇULARI NÖVBƏTİ GÖRÜŞDƏ DƏ MƏĞLUB OLMUŞLAR
AZƏRTAC xəbər verir ki, sentyabrın 4-də Ankarada qadınlar arasında voleybol üzrə Avropa Qran-pri turniri çərçivəsində növbəti oyunlar keçirilmişdir.
Dairəvi sistem üzrə keçirilən turnirdə Azərbaycan yığması növbəti turda İtaliya voleybolçuları ilə görüşmüşdür. Voleybolçularımız bu dəfə də 0:3 hesabı ilə məğlubiyyətə uğramışlar.
Xatırladaq ki, hər bir komanda turnir çərçivəsində altı oyun keçirəcək və 2008-ci ilin Qran-pri turnirinin final mərhələsinə vəsiqəni isə yarışın üç ən güclü komandası qazanacaqdır.
Voleybolçularımızın növbəti rəqibləri qitənin güclülərindən sayılan Serbiya, Bolqarıstan, Almaniya və Rusiya milliləri olacaqdır.
Bölmənin digər xəbərləri
