Azərbaycan Yaşıllaşdırma və Landşaft Quruluşu Assosiasiyası 121 hektar ərazidə ağacəkmə işləri həyata keçirəcək
Bakı, 14 oktyabr, AZƏRTAC
“Azərbaycan Yaşıllaşdırma və Landşaft Quruluşu Assosiasiyası” Açıq Səhmdar Cəmiyyəti qeyri-meşə fondu torpaqlarında yaşıllaşdırma işləri ilə məşğuldur. Bu, əsasən Bakı və Abşeron yarımadasını əhatə edir. Eyni zamanda, magistral avtomobil yollarının mühafizə zolaqlarının kənarında olan ərazidə yaşıllıq sahələri yaradırıq. Cari ilin yaz mövsümündə 64 hektar ərazidə ağacəkmə aksiyası keçirilib. Hazırda payız ağacəkmə aksiyasına hazırlıq işləri davam edir. Bu ilin payız əkin mövsümündə 121 hektar ərazidə ağacəkmə işləri həyata keçirəcəyik.
AZƏRTAC xəbər verir ki, bunu “Azərbaycan Yaşıllaşdırma və Landşaft Quruluşu Assosiasiyası” Açıq Səhmdar Cəmiyyətinin sədr müavini Söhrab Abbasov Ekologiya və Təbii Sərvətlər Nazirliyinin feysbuk səhifəsində yayımlanan “Ekspert saatı”nda deyib.
Bölmənin digər xəbərləri
