AZƏRBAYCANIN MÜSTƏQİLLİK GÜNÜ DAŞKƏNDDƏ DƏ QEYD OLUNMUŞDUR
Tədbirdə Özbəkistanda yaşayan Azərbaycan diasporunun üzvləri, qardaş özbək xalqının nümayəndələri iştirak etmişlər.
Əvvəlcə ümummilli lider Heydər Əliyevin səfirliyin foyesində qoyulmuş abidəsi önünə əklil və təzə-tər çiçək dəstələri qoyulmuş, Azərbaycanın və Özbəkistanın dövlət himnləri səslənmişdır.
Azərbaycanın Özbəkistandakı səfiri Namiq Abbasov mərasim iştirakçılarını salamlamış, müstəqillik illərində ölkəmizin iqtisadi, sosial, mədəni sahələrdə əldə etdiyi uğurlarından danışmışdır.
Səfir demişdir: “Xalqımızın təkidli tələbi ilə hakimiyyətə qayıdan Heydər Əliyev o vaxt ölkədə olan qarşıdurmanı aradan götürmüş, müstəqilliyimizin qorunması və möhkəmlənməsində misilsiz xidmətlər göstərmişdir”.
Səfir Bakı-Tbilisi-Ceyhan əsas neft ixrac kəmərinin fəaliyyəti, Bakı-Tbilisi-Ərzurum qaz kəməri, Ermənistan-Azərbaycan, Dağlıq Qarabağ münaqişəsinin həlli istiqamətində ölkəmizin səyləri və digər məsələlər haqqında məlumat vermişdir.
Sonra Fərqanə vilayətinin Altıarık şəhərindəki 4 nömrəli orta məktəb direktorunun müavini Muxamedcan Mirzəyev bu təhsil ocağında fəaliyyət göstərən “Biz Azərbaycanı öyrənirik” dərnəyinin üzvləri və ümümi kollektiv adından Müstəqillik bayramı münasibətilə Azərbaycan Prezidenti İlham Əliyevə ünvanlanmış məktubun mətnini oxumuşdur.
Bölmənin digər xəbərləri
