SİYASƏT
Azərbaycanın “Şərq incisi” ansamblı Murmansk yaradıcılıq kollektivlərinin gecəsində çıxış etmişdir
Bakı, 6 aprel (AZƏRTAC). Murmansk Şəhər Uşaq Teatrı Mərkəzində regionun milli-mədəni ictimai birliklərinin və müstəqil qurumlarının yaradıcılıq kollektivlərinin “Gülməyə icazə verilir” adlı musiqili-yumoristik gecəsi keçirilmişdir. Gecədə Ümumrusiya Azərbaycan Konqresinin yerli şöbəsinin nümayəndələri və həmyerlilərimiz Səbinə Əliyeva və Rəşad Əliyevin rəhbərliyi ilə “Şərq incisi” ansamblı iştirak etmişlər.
Musiqi kollektivi “Gülməyə icazə verilir” musiqili-yumoristik yaradıcılıq gecəsində iştirakına və gecənin keçirilməsinə görə Rusiya Federasiyası Murmansk vilayətinin İctimai Təşkilatlarla Qarşılıqlı Əlaqələr və Gənclərə dair İşlər üzrə Komitənin “Təşəkkürünü” almışdır.