Azərbaycanlı gənc Çində dövlət qurumuna ekspert təyin olunub
Pekin, 29 dekabr, AZƏRTAC
Çin Xalq Respublikasının Pekin Pedaqoji Universitetinin magistr məzunu və hazırda Yanşan Universitetində dövlət idarəetməsi ixtisası üzrə doktorantura (Ph.D.) təhsili alan azərbaycanlı gənc tədqiqatçı Sadiq Qaçayev böyük bir uğura imza atıb.
AZƏRTAC xəbər verir ki, Çinin Hebey vilayətinin əsas beyin mərkəzi olan Dövlət Siyasətinin Təhlili və Tədqiqi Mərkəzi ilə Yanşan Universitetinin humanitar elmlər və hüquq məktəbinin (əvvəlki adı Dövlət İdarəetmə Məktəbi) birgə iclasında qəbul edilən qərara əsasən, Sadiq Qaçayev mərkəzin əsas ekspertlərindən biri təyin olunub. O, bu vəzifədə 5 il müddətinə çalışacaq.
Qeyd edək ki, həmvətənimiz həmin tədqiqat mərkəzinə ekspert təyin olunan ilk azərbaycanlıdır.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
