“Azəriqaz”ın baş direktoru Qobustanda vətəndaşların müraciətlərini dinləyəcək
Bakı, 1 iyul, AZƏRTAC
SOCAR-ın “Azəriqaz” İstehsalat Birliyinin baş direktoru Azər Məmmədovun vətəndaşlarla növbəti görüşü iyulun 3-də saat 11:00-da “Qobustan Gənclər evi” sosial xidmət müəssisəsində (ünvan: Qobustan şəhəri, Sərxan Hacıyev küçəsi) keçiriləcək.
“Azəriqaz”dan AZƏRTAC-a bildirilib ki, görüşdə Qobustan və Şamaxı rayonlarının sakinlərinin müraciətləri dinləniləcək.
“Vətəndaşların diqqətinə çatdırırıq ki, görüşdə ünvanlanan müraciətlər yalnız “Azəriqaz” İB-nin xidmət sahələrinə aid olmalıdır. Görüşə dair əlavə məlumat almaq istəyənlər Ağsu Regional Qaz İstismarı İdarəsinə (tel.: 050-845-75-15; 070-244-58-20) müraciət edə bilərlər”, - deyə məlumatda qeyd olunub.
Bölmənin digər xəbərləri
