“AZƏRNEFTYANACAQ” EMALI ÜZRƏ İLLİK TAPŞIRIĞA ƏMƏL ETMİŞDİR
Başa çatmaqda olan 2002-ci ildə “Azərneftyanacaq” İstehsalat Birliyində 3 milyon 182,7 min ton xam neft emal edilmişdir.
Birliyin baş direktoru Zakir Seyidov AZƏRTAC-ın müxbirinə bildirmişdir ki, müəssisənin kollektivi bu il neftin dərin emalının həcmini artırmış, istehsalın rentabelliyini xeyli yüksəltmiş, bütün məhsul növləri üzrə tapşırıqlara artıqlaması ilə əməl etmişdir.
Neft emalı sahəsində elmi-texniki yeniliklərin istehsalata tətbiq edilməsi, texnoloji rejimə dəqiq əməl olunması, yüksək əmək intizamının yaradılması sayəsində ilin əvvəlindən bəri nəzərədə tutulandan əlavə 37,7 milyard manatlıq neft məhsulları istehsal edilmişdir.
Texniki-iqtisadi göstəricilərin yüksəlməsi neftayıranların sosial vəziyyətini yaxşılaşdırmağa əsaslı zəmin yaratmışdır.
Bölmənin digər xəbərləri
