Bakı Şəhəri üzrə Təhsil İdarəsinə ötən ay 20 mindən çox müraciət daxil olub
Bakı, 4 iyul, AZƏRTAC
Bakı Şəhəri üzrə Təhsil İdarəsinə (BŞTİ) iyun ayı ərzində 20 min 543 müraciət daxil olub.
BŞTİ-dən AZƏRTAC-a bildirilib ki, daxil olan müraciətlərin əksəriyyəti cavablandırılıb və operativ şəkildə həll olunub. Statistikaya əsasən, Çağrı Mərkəzində (146-1 nömrəli) 13 min 435 zəng qəbul edilib. Vətəndaşların Qəbulu Mərkəzinə 4 591 müraciət daxil olub.
BŞTİ-yə 1 778 sənəd (vətəndaşlar tərəfindən 465 ərizə, Elm və Təhsil Nazirliyindən 504, digər qurumlardan 198, təhsil müəssisələrindən 366 məktub və 245 kadr ərizəsi) daxil olub və qeydiyyata alınıb. Həmçinin 739 elektron müraciətə baxılıb.
Daxil olan müraciətlər müxtəlif məsələlərin tənzimlənmə qaydalarının öyrənilməsi, I sinfə və məktəbəqədər təhsil müəssisələrinə qəbul, şagirdlərin elektron yerdəyişməsi, işə qəbul və digər məsələləri əhatə edir.
Bölmənin digər xəbərləri
