Bakı Turizm Filmləri Festivalının ispaniyalı mükafatçısı təəssüratlarını öz ölkəsinin mətbuatında bölüşüb

21.11.2017 [11:50]
Çap et
A⁺ A^-

Madrid, 21 noyabr, AZƏRTAC

IV Bakı Turizm Filmləri Festivalının mükafatçılarından olan ispaniyalı Santyaqo Alkazar təəssüratlarını öz ölkəsinin mətbuatı ilə bölüşüb.

AZƏRTAC xəbər verir ki, İspaniyanın Rioja vilayətinin əsas xəbər səhifəsi olan www.larioja.com portalında, əslən bu regiondan olan rejissor, Bakı Turizm Filmləri Festivalının mükafatçısı Santyaqo Alkazarla müsahibəsi dərc edilib. “Flamenko madrid 2017” reklam çarxı ilə festivala qatılaraq bürünc mükafat almış müəllif müsahibəsində Azərbaycana səfərini çox maraqlı təcrübə adlandırır. Ölkəmizin insanlarının çox mehriban və ünsiyyət zamanı xoş niyyətli olduqlarını qeyd edir.

Festivalın təşkilatçılığından razılıq ifadə edən ispaniyalı rejissor, bu festivalların müxtəlif mədəniyyətlərin ünsiyyəti üçün əla platforma olmasını xüsusi qiymətləndirir.

Aygün Əliyeva

AZƏRTAC-ın xüsusi müxbiri

Madrid