BAKIDA “NİKoyl” BANKI AÇILMIŞDIR
Bakıda “NİKoyl” investisiya-kommersiya bankının təntənəli açılış mərasimi olmuşdur. Onun təsisçiləri “NİKoyl” maliyyə korporasiyası (səhmlərin 60 faizi) və “LUKoyl” neft şirkətidir (səhmlərin 40 faizi). Yeni bankın elan edilmiş nizamnamə kapitalı 5 milyon ABŞ dollarıdır.
“NİKoyl” maliyyə korporasiyasının prezidenti Nikolay Svetkov mərasimdə çıxış edərək bildirdi ki, Azərbaycan MDB-nin ən sabit, iqtisadi cəhətdən inkişaf etmiş dövlətlərindən biridir. Bakıda törəmə bankın açılması Azərbaycanın investisiya cəhətdən cəzbediciliyinin artması ilə birbaşa əlaqədardır. Onun sözlərinə görə, yeni “NİKoyl” bankı Rusiyanın ölkəmizdə yeganə bankı və ölkələrimiz arasında maliyyə körpüsü olacaqdır.
Yeni bankın əsas vəzifələrindən biri Rusiya ilə Azərbaycan arasında ixrac-idxal əməliyyatlarına xidmət etməkdir. “NİKoyl” öz müştərilərinə geniş maliyyə xidmətləri göstərəcəkdir.
Bölmənin digər xəbərləri
