Bakıətrafı qəsəbələrdə məktəblilər tullantıların düzgün şəkildə zərərsizləşdirilməsi ilə bağlı maarifləndirilmişlər
Bakı, 13 noyabr (AZƏRTAC). Heydər Əliyev Fondunun təşəbbüsü ilə “Təmiz Şəhər” Açıq Səhmdar Cəmiyyəti (ASC) tərəfindən həyata keçirilən “Təmiz Qala” layihəsi çərçivəsində sentyabr-noyabr ayları ərzində Bakının Qala, Şüvəlan, Türkan və Zirə qəsəbələrinin orta məktəb şagirdləri üçün bir sıra seminarlar təşkil edilmişdir.
ASC-nin mətbuat xidmətindən AZƏRTAC-a bildirmişlər ki, maarifləndirici seminarlarda 8-9-cu sinif şagirdlərinə əvvəlcə tullantıların mənşəyi, növləri, onların ətraf mühitə təsiri, çeşidlənməsi və düzgün şəkildə zərərsizləşdirilməsi haqqında məlumat verilmiş və məktəblilərin sualları cavablandırılmışdır.
Sonra tullantıların çeşidlənməməsinin səbəbləri haqqında şagirdlərlə müzakirələr aparılmışdır.
Şagirdlərə əyani maarifləndirici vəsaitlər, loqotipli maykalar və dəftərxana ləvazimatları paylanılmışdır.
Bölmənin digər xəbərləri
