Basketbol üzrə Azərbaycan kuboku yarışlarının keçirilmə vaxtı açıqlanıb
Bakı, 20 fevral, AZƏRTAC
Martın 21-26-da “Sərhədçi” İdman Mərkəzində basketbol üzrə Azərbaycan kuboku yarışları keçiriləcək.
AZƏRTAC Azərbaycan Basketbol Federasiyasına istinadla xəbər verir ki, iki qrupda ümumilikdə 8 komandanın iştirakı ilə keçiriləcək yarış dairəvi sistemi üzrə oynanılacaq. Qruplarda ilk iki yeri tutmuş komandalar yarımfinala vəsiqə qazanacaqlar. Martın 26-da isə yarışın final oyunu keçiriləcək.
Qeyd edək ki, yarışın püşkatma mərasimi fevralın 21-də baş tutacaq və federasiyanın rəsmi yutub səhifəsindən canlı yayımlanacaq.
Bölmənin digər xəbərləri
