BASKETBOL ÜZRƏ ÖLKƏ ÇEMPİONATINDA NÖVBƏTİ TURUN OYUNLARI KEÇİRİLMİŞDİR
AZƏRTAC xəbər verir ki, basketbol üzrə ölkə çempionatında ikinci tura start verilmişdir. Yarışda 6 komanda mübarizə aparır.
Turun ilk qarşılaşması “Xəzər Universiteti”nin komandası ilə Azərbaycanın 19 yaşlı bosketbolçuları arasında keçirilmiş və oyun ikincinin 74:55 hesablı qələbəsi ilə başa çatmışdır.
Digər qarşılaşmalarda “NTD Servis Devon” “Qərb Universiteti”ni 116:73, “Qala” isə “AzTop”u 84:54 hesabı ilə məğlub etmişdir.
Basketbol üzrə superliqanın oyunları əvvəlcə dairəvi sistem üzrə 3 dövrədə keçiriləcəkdir. Birinci dövrənin yekunlarına əsasən ən güclü 4 komanda növbəti dəfə dairəvi sistemlə yarışacaqdır. Bundan sonra isə pley-off mərhələsinin iştirakçıları müəyyənləşəcəkdir.
Bölmənin digər xəbərləri
