BDU tələbələri üçün süni intellekt təlimi keçiriləcək
Bakı, 1 oktyabr, AZƏRTAC
Bakı Dövlət Universitetinin (BDU) Tələbə Elmi-Texniki Yaradıcılıq Mərkəzi universitet tələbələri üçün süni intellekt təlimi təşkil edəcək.
Bu barədə AZƏRTAC-a BDU-dan bildirilib.
Altı aylıq ödənişsiz təlim proqramına qəbul test üsulu ilə aparılacaq və 15 nəfərlik əyani, 30 nəfərdən çox onlayn qruplar yaradılacaq.
Proqram ərzində iştirakçılara “Python” proqramlaşdırma dili, verilənlərin təhlili və vizuallaşdırılması, “Machine learning” alqoritmləri, süni intellekt texnologiyaları istiqamətləri üzrə təlimlər keçiriləcək.
Qeydiyyat oktyabrın 12-də yekunlaşacaq.
Bölmənin digər xəbərləri
