BDU və Türkiyənin Hacettepe Universiteti arasında “Erasmus” mübadilə protokolu imzalanıb
Bakı, 21 iyul, AZƏRTAC
Bakı Dövlət Universiteti (BDU) ilə Türkiyənin Hacettepe Universiteti arasında “Erasmus” mübadilə protokolu imzalanıb.
Bu barədə AZƏRTAC-a BDU-dan məlumat verilib.
Sənədi BDU-nun Beynəlxalq əlaqələr şöbəsinin müdiri Rauf Həsənov və Hacettepe Universitetinin “Erasmus” koordinatoru Ruhtan Yalçıner imzalayıblar.
Protokol çərçivəsində bakalavr, magistr, tədqiqatçılar və akademik heyətin mübadiləsi nəzərdə tutulur.
Qeyd edək ki, Hacettepe Universiteti Türkiyənin ən nüfuzlu universitetlərindən biridir. 16 fakültə, 15 institut, 4 peşə məktəbi və bir konservatoriyanın fəaliyyət göstərdiyi Hacettepe Universiteti QS WUR reytinqində 761-770-ci pillədədir.
Bölmənin digər xəbərləri
