BƏDİİ GİMNASTİKA ÜZRƏ DÜNYA ÇEMPİONATININ ÇOXNÖVÇÜLÜK ÜZRƏ QALİBİ MÜƏYYƏN OLUNMUŞDUR
Ən güclü 12 gimnastın qatıldığı A qrupunda Azərbaycan idmançıları Anna Qurbanova və Dinarə Gimatova da yarışmışlar. Dörd çıxışda (top, gürz, ip və lent) topladığı balların cəminə görə, yarışın qızıl medalına rusiyalı Olqa Kapranova (66,350 bal) layiq görülmüşdür. Bu, rusiyalı gimnastın çempionatda qazandığı 4-cü qızıl medaldır. Ukrayna idmançısı Anna Bessonova (65,700 bal) gümüş, Rusiya idmançısı İrina Çaşşina (65,425 bal) isə bürünc medala sahib olmuşlar. Bundan əlavə, İrina Çaşşinaya “Longines” şirkətinin ən yaxşı idmançı üçün təsis etdiyi xüsusi mükafat təqdim edilmişdir.
Qeyd edək ki, idmançılarımız Anna Qurbanova (58,775 bal) və Dinarə Gimatova (58,050 bal) 24 idmançı arasında, müvafiq olaraq, 8-9-cu yerləri tutmuşlar.
Bölmənin digər xəbərləri
