BƏLƏDİYYƏ SEÇKİLƏRİ
SAAT 17-DƏK RESPUBLİKA ÜZRƏ 216 MİN 91 NƏFƏR SƏS VERMİŞDİR
AZƏRTAC-ın müxbiri “Seçkilər” İnformasiya Mərkəzindən xəbər verir ki, Azərbaycan Respublikasında bəzi bələdiyyələrə təkrar, əlavə, yeni və ilk dəfə keçirilən seçkilərin gedişi ilə bağlı saat 17-yə olan məlumata görə, 65 dairə üzrə 216 min 91 nəfər, yəni seçicilərin 26,84 faizi seçki məntəqələrinə gələrək səs vermişdir. Digər məntəqələrdən isə məlumatlar daxil olmaqdadır. 11 saylı Qaradağ və 12 saylı Qaradağ-Binəqədi-Yasamal seçki dairələrində məlumatların ötürülməsi ilə bağlı yaranmış problem aradan qaldırılmışdır.
Mərkəzin direktoru İqbal Babayev dedi ki, səsvermə keçirilən dairələr üzrə bu saatədək ümumi seçicilərin 26,84 faizinin iştirak etməsi qənaətbəxşdir. Seçicilər əvvəlki bələdiyyə seçkiləri ilə müqayisədə daha fəaldırlar.
82 seçki dairəsini əhatə edən 940 seçki məntəqəsində seçkilər normal gedir, indiyədək heç bir qanun pozuntusu qeydə alınmamışdır. Seçkilərdə 4524 namizəd 1931 yer uğrunda mübarizə aparır.
Bu saatadək mərkəzdəki “qaynar xətt”ə heç bir şikayət daxil olmamışdır.
Bölmənin digər xəbərləri
