Belqrad Universitetində “Azərbaycanda musiqi mədəniyyətinin inkişaf tarixi” adlı tədbir keçirilib
Bakı, 24 may, AZƏRTAC
Mayın 24-də Belqrad Universitetindəki Azərbaycan Dili və Mədəniyyəti Mərkəzində “Azərbaycanda musiqi mədəniyyətinin inkişaf tarixi” adlı tədbir keçirilib. Tədbir Azərbaycan Dillər Universitetinin rektoru akademik Kamal Abdullanın təşəbbüsü və səfirliyimizin dəstəyi ilə təşkil edilib.
Belqrad Universitetinin Filologiya fakültəsinin dekanı professor Lilyana Markoviç bu cür tədbirlərin ölkələrimiz arasında mədəni və humanitar əlaqələrin daha da inkişafına xidmət etdiyini deyib.
Azərbaycan Dili və Mədəniyyəti Mərkəzinin direktoru, Novi Sad Universitetinin professoru Zərifə Əlizadə mühazirəsində Azərbaycan folkloru, saz, tar, kamança və ölkəmizin digər milli musiqi alətlərinin xüsusiyyətləri, onların musiqi tariximizdə əvəzsiz rolu, həmçinin milli rəqslərimiz və muğam sənəti haqqında məlumat verib.
Sonra videoçarxlar nümayiş etdirilib.
Bölmənin digər xəbərləri
