BƏM ŞƏHƏRİNDƏ ZƏLZƏLƏDƏN 41 MİN İNSAN HƏLAK OLMUŞDUR
AZƏRTAC-ın İTAR-TASS agentliyinə istinadla verdiyi xəbərə görə, ötən il dekabrın 26-da İranın cənub-şərqində yerləşən Bəm şəhərində baş vermiş 6,3 Rixter cədvəli ilə bal gücündəki zəlzələ nəticəsində 41 min adam həlak olmuşdur. Bu məlumatı Kərmən əyaləti ostandarının müavini Məhəmməd Fərşad yaymışdır.
Tehran radiosu xəbər vermişdir ki, təbii fəlakət nəticəsində tamamilə dağılmış şəhərin əhalisi, dəqiqləşdirilmiş məlumatlara görə, təqribən 200 min nəfər olmuşdur. İran hökuməti Bəm şəhərini 18 ay ərzində bərpa etmək, daha doğrusu, yenidən tikmək niyyətindədir.
