BERLİN ABŞ-IN YENİ HÖKUMƏTİ DÖVRÜNDƏ DƏ HƏRBÇİLƏRİNİ İRAQA GÖNDƏRMƏK NİYYƏTİNDƏ DEYİL
AZƏRTAC xarici informasiya agentliklərinə istinadla xəbər verir ki, Berlin öz hərbçilərini İraqa göndərmək niyyətində deyil və onun bu mövqeyi ABŞ-dakı prezident seçkilərinin nəticələrindən asılı olmayaraq, dəyişməyəcəkdir. Bunu noyabrın 3-də jurnalistlərə AFR hökumətinin rəsmi nümayəndəsi Bela Anda bildirmişdir.
Onun sözlərinə görə, Almaniya, eyni zamanda, terrorizm əleyhinə beynəlxalq koalisiyada, sülhyaratma əməliyyatlarında iştirak edəcəkdir. Almaniya hökumətinin rəsmi nümayəndəsi əlavə etmişdir ki, ABŞ ilə qarşılıqlı fəaliyyətə gəldikdə isə, kansler Gerhard Şröder Birləşmiş Ştatların hər hansı hökuməti ilə əməkdaşlıq etməyə hazırdır. AFR-in xarici işlər naziri Yoşka Fişer də bu mövqe ilə tam şərikdir.
Bölmənin digər xəbərləri
