BERLİNDƏ QİÇS-Ə YOLUXANLARIN SAYI GETDİKCƏ ARTMAQDADIR

29.11.2005 [15:04]
Çap et
A⁺ A^-

AZƏRTAC-ın xüsusi müxbiri xəbər verir ki, Berlindəki Robert Kox adına Virusologiya İnstitutu Almaniya paytaxtında QİÇS xəstəliyinə yoluxanların sayının təhlükəli şəkildə artması xəbərdarlığı ilə çıxış etmişdir. Bildirilmişdir ki, 2005-ci ildə institutun klinikalarında 7 min 550 QİÇS-ə yoluxmuş xəstə qeydə alınmışdır. Bu xəstələrin klinikalarda ciddi nəzarət altında saxlanmasına və müalicələrində müəyyən nailiyyət əldə edilməsinə baxmayaraq, təhlükəli xəstəlik 118 nəfərin həyatına son qoymuşdur.

İnstitut dəqiq statistik hesablamalara istinadla bildirir ki, müntəzəm olaraq profilaktik tədbirlər həyata keçirilməsinə baxmayaraq, Berlin əhalisi arasında QİÇS-ə yoluxanların sayı azalmaqdansa, getdikcə artmaqda davam edir. Belə ki, son bir ildə institutun nəzarət altında saxladığı xəstələrin sırasına QİÇS virusuna yoluxmuş daha 900 yeni xəstə əlavə olunmuşdur.

Onların arasında aparılan diaqnostik yoxlama və test sorğularından müəyyən olunmuşdur ki, təhlükəli xəstəliyə yoluxanların və yoluxduranların 80 faizi homo və biseksual kişilərdir. Qalan 20 faiz xəstə isə bu viruslara xarici ölkələrdə yoluxmuşdur.

BERLİNDƏ QİÇS-Ə YOLUXANLARIN SAYI GETDİKCƏ ARTMAQDADIR

MÜƏLLİFLƏ ƏLAQƏ

Bölmənin digər xəbərləri